Vidal ati”iyo VAR iza gukoreshwa mu myaka 2 ishize, Real Madrid ntiba yaratwaye Champions league”
Artulo Vidal ukina hagati mu kibuga muri FC Barcelona, yavuze ko Real Madrid yakabaye itaratwaye UEFA Champions league 2 ziheruka iyo haza kuba hakoreshwa Video Assistant Referee.
Uyu musore wageze muri FC Barcelona uyu mwaka akubutse muri Bayern Munich y mu Budage, yashimangiye ko Bayern yahoze akinira yagiye isezererwa na Real Madrid muri UEFA Champions league kubera imisifurire mibi.
Aganira na Mundo Deportivo, Vidal yagize ati”Ndashaka gutwarira ibikombe byose hano(muri Barcelona) kuko byose ari bishya kuri njye.”
“Gusa Champions league ni igikombe narose cyo kimwe nk’abandi bakinnyi benshi, gusa ntabwo nigeze ngitwara n’ubwo ngifite uwo mugambi.”
“Ndazi ko Barcelona yagiye igitwara mu myaka yashize gusa nanjye ndifuza kuba muri iyo ikipe izashobora kugera kuri uwo muhigo.”
Yongeyeho ko yakabaye yaragitwaranye na Bayern Munich iyo haza kuba hakoreshwa VAR.
Ati”Birashoboka ko nakabaye naratwaranye na Bayern Munich Champions league iyo VAR iza gukoreshwa mu mikino twakinnye na Real Madrid, twakabaye twaratwaye Champions league mu myaka yashize.
Real Madrid iheruka gutwara UEFA Champions league 3 muri 5 ziheruka, ebyiri muri zo ikaba yaragiye izitwara yabanje gusezerera Bayern Munich ya Artulo Vidal.
