Umunyamideli ukomeye yihanije Hamisa Mobeto ushaka kumutwarira umugabo
Umunyamideli witwa Tayiha, yahaye gasopo Hamisa Mobeto yo kwirinda umugabo we akomeje kwikururaho cyane, amubwira ko yamugendera kure akirinda kumuzanaho imyitwarire ye idahwitse yo gutwara abagabo ba bandi bagore.
Tayiha uzwi nka rwiyemeza mirimo mu byo kumurika imideli yatangaje ibi abicishije ku rukuta rwe rwa Instagram, yihaniza Mobeto kugabanya akarenge agira imbere y’umugabo we yirinze gutangaza amazina ye.
Uyu munyamideli yanagaragaje ko ababazwa cyane n’umuryo Hamisa Mobeto akomeje kwitwara imbere y’abagabo babandi ataretse n’uwe, bituma amwiyama anamutuka amwita igicucu.
Yagize ati “Hamisa Mobetto nkusabye kugendera kure abagabo b’abandi gicucu”.
Nk’uko Ikinyamakuru Tuko kibitangaza, mu gushaka gucecekesha Tahiya, Hamisa yahise ashyira ifoto ku mbuga nkoranyambaga ari kumwe n’umusore yise umukunzi we, agaragaza ko afite umukunzi.
Iyo foto yaje ikurikiwe n’amagambo agira ati “Nza iruhande ubundi undeke ngukunde”.
Muri Video Hamisa yashyize ku rukuta rwe rwa Instagram yasubije Tahiya, agira ati “Njyewe nta muntu n’umwe nigeze nibira umugabo”.
Hamisa Mobetto ni umubyeyi w’abana babiri, yatangiye kumenyekana cyane ubwo byatangazwaga ko atwite inda y’umuhanzi Diamond Platnumz wanamukoresheje mu mashusho y’indirimbo ye ‘Salome’.
