UEFA Champions league: Fellaini yarokoye Man United, City, Real Madrid, Bayern na Ajax zikomeza imbere
Imikino ya UEFA Champions league yo kuri uyu wa kabiri yasize amamkipe ya Manchester City na Ajax Amsterdam yizeye itike ya 1/8 cy’irangiza, Marouane Fellaini we arokora Manchester United ku munota wa nyuma.
Hakinwaga imikino yo mu tsinda E kugeza mu rya H, mu gihe kuri uyu wa gatatu hakinwa imikino yo kuVa mu tsinda A kugeza mu rya D.
Manchester City yatangiye iyi mikino itsindwa na Olympique Lyonnais yateye intambwe igana muri 1/8 cy’irangiza, nyuma yo kujya kunganyiriza n’iyi kipe yo mu Bufaransa iwayo. Ni umukino warangiye amakipe yombi anganya 2-2.
Lyon yari mu rugo ni yo yafunguye amazamu mbere, ku gitego cyatsinzwe na Maxwel Cornet wanatsindiye iyi kipe igitego cya kabiri ku munota wa 83. Yishyuraga icyo Sergio Aguero yari amaze gutsinda ku munota wa 81 w’umukino.
Manchester City yo yari yabonye igitego cya mbere ku munota wa 62 ibifashijwemo na Aymeric Lapporte wishyuraga igitego cya Cornet cyo ku munota wa 55 w’umukino.
Kunganya uyu mukino byari bihagije ngo Manchester City igire amanota 10 yayihesheje itike ya 1/8 cy’irangiza n’ubwo igifite umukino uzayuhuza na Hoffenheim inagomba gushakamo umwanya wa mbere mu tsinda.
Indi kipe abantu bari barangamiye ni Manchester United. Iyi kipe ikunzwe na benshi yari yakiriye Young Boys I Old Trafford, mu mukino yasabwaga gutsinda kugira ngo yiharurire inzira igana muri 1/8 cya UEFA Champions league.
Iyi Man United yari yagiye ihusha ibitego byinshi yarokowe na Marouane Fellaini wayitsindiye igitego ku munota wa 91 w’umukino.
Iki gitego cyahesheje Manchester United kugera muri 1/8 cy’irangiza izamukanye na Juventus yasezereye FC Valence yo muri Espagne mu mikino ya Champions league y’uyu mwaka. Igitego rukumbi cya Mario Mandzukic ni cyo cyahesheje Juventus ikizere cyo kurangiza iyoboye itsinda H n’ubwo igifite umukino wa nyuma w’itsinda ugomba kuyihuza na Young Boys.
Indi kipe yakatishije itike ya 1/8 ni Real Madrid yo muri Espagne. N’ubwo iyi kipe yirirwa itsindwa muri shampiyona ya Espagne ntibyayibujije kujya gutsindira AS Roma iwayo 2-0. Ibitego bya Gareth Bale na Lucas Vasquez ni byo byafashije Real kugarurira abakunzi bayo ikizere.
Ni mu gihe Ajax yo yakomeje nyuma yo gutsinda AEK Athens yo mu Bugiliki ibitego 2-0.
Indi kipe yakomeje muri 1/8 cy’irangiza ni Bayern Munich. Iyi kipe y’i Munich yakomeje nyuma yo kunyagira Benfica yo muri Portugal ibitego 5-1. Arjen Roben na Robert Lewandowaski buri wese yatsinzemo ibitego 2, mu gihe ikindi cyatsinzwe na Frank Ribery.
