AmakuruAmakuru ashushye

Ubu Amerika niyo ifite abantu benshi banduye Coronavirus kandi barayitaga iy’ubushinwa

Leta zunze ubumwe za Amerika ubu nizo zifite umubare munini w’abanduye Covid-19 ku isi, virusi Perezida Donald Trump yitaga iy’Abashinwa ubu yiganje cyane mu gihugu ayoboye ndetse yahamagaye Perezida w’Ubushinwa ngo baganire amufashe kuyirwanya.

Abanduye muri Amerika bamaze kwiyongera cyane mu gihe gito gishize, ubu bararenga 85,500 mu gihe mu Bushinwa habarwa 81,782 naho mu Butaliyani 80,589 nk’uko bivugwa na Johns Hopkins University.

Trump yatangaje ko bari kumenya abanduye bashya kubera ubushozi bwo gupima iyi ndwara bwiyongereye muri Amerika.

Trump yashavuje Ubushinwa mu kwita coronavirus ‘virus y’Ubushinwa.Visi Perezida Mike Pence muri Amerika yavuze ko ubu muri leta 50 zose babasha gupima iyi ndwara ndetse mu gihugu hose hamaze gupimwa abantu barenga 552,000.

Nubwo imibare y’abanduye muri Amerika iri kuzamuka, Trump akomeje kuvuga ko Abanyamerika batagomba guhagarika akazi kuko ariko igihugu cyubakiyeho.

Yagize ati: “Abantu baranyumva nabi iyo mvuze ngo basubire mu kazi nibagasubireho ariko birinda bishoboka, bakaraba intoki birinda kuramukanya bahana intoki n’ibindi byose twavuze”.

Perezida Donald Trump yatangaje kandi ko yagiranye ikiganiro kuri telephone na mugenzi we Xi Jinping w’Ubushinwa kuri iki cyorezo.

Iyi virus yahereye mu Bushinwa mu mpera z’umwaka ushize,Trump kenshi yayise “virus y’Abashinwa” ariko ubu nabo bugarijwe niki cyorezo ndetse aherutse kwibasira umunyamakuru wari umubajije ku kibazo cyo kwiyongera kwabanduye maze amwita umunyamakuru w’itera bwoba ngo kuko yari amubajije ikibazo agamije gukanga abanyamerika.

Ubu Perezida Trump ari kubaha bikomeye ubushinwa.Kuri Twitter yanditse ati: “Ubushinwa bwayiciyemo cyane ndetse bufite uburyo bwumva cyane iyi virusi. Ubu turi gufatanya bya hafi. Icyubahiro kuri bo”.

Twitter
WhatsApp
FbMessenger