AmakuruInkuru z'amahangaPolitiki

Sudani: Abajenerali Batatu mu bayobozi bakuru b’akanama ka gisirikare kayoboye beguye

Abajenerari batatu bakomeye mu kanamama ka gisirikare gafite ubuyobozi bwa Sudani mu maboko nyuma yo kweguza uwahoze ari Perezida Omar-Al Bashir beguye ku mirimo yabo nyuma y’umwanya muto bavuye mu nama igamije kwemeza ivugururwa muri guverinoma.

Aba bajenerali ni Omar Zain al-Abideen, Jalal al-Deen-Sheikh na Al-Tayeb Bakar Ali Fadee, basanzwe bazwiho kuba inkoramutima za Omar al-Bashir uheruka guhirikwa ku butegetsi. Bdetse bakaba bari no mu bakomeye mu idina rya Islam.

BBC yanditse ko kwegura kwabo biri kubonwa nk’intsinzi nto ku bigaragambya basaba ko ubutegetsi bushyirwa mu maboko y’abasivile.

Mu kiganiro n’abanyamakuru, umuvugizi wa gisirikare Liyetona Jenerali Shamseddine Kabbashi yavuze ko impande zombi zumvikanye kuri byinshi mu byo abigaragambya basaba.

Yavuze kandi ko bemeranyije gushinga akanama gahuriwemwo n’impande zombi kugira ngo ibyo batumvikanaho babishakire umuti.

Kuri uyu wa kane, abigaragambya biteganyijwe ko bakora indi myigaragambyo mu murwa mukuru Khartoum wa Sudani, mu gukomeza gusaba amavugurura agamije demokarasi.

Abayoboye abigaragambya bavuga ko bashaka ko akanama ka gisirikare kari ku butegetsi by’inzibacyuho gashyira ubutegetsi mu maboko y’abategetsi b’abasivile.

 

Twitter
WhatsApp
FbMessenger