AmakuruInkuru z'amahanga

Somalia: Umubare w’abahitanwe n’igitero cy’i Mogadishu ukomeje kwiyongera

Igipolisi cya Somalia cyatangaje ko abagera ku 10 aribo bamaze kuburira ubuzima mu mirwano yamaze amasaha agera kuri arindwi mu gitero cyagabwe n’umutwe wa Al-Shabaab mu murwa mukuru Mogadishu.

Ibi byabaye ku mugoroba wo kuri uyu wa 09 Ukuboza 2019 mu mirwano y’igitero cya Al-Shabaab yabereye kuri Hotel SYL nk’uko byatangajwe n’umuyobozi wungirije wa polisi yo muri iki gihugu.

Akoresheje Twitter yavuze ko abarenga 80 harimo n’abasivile aribo babashije kurokoka iyi mirwano bivugwa ko yatejwe n’abasirikare batanu b’umutwe wa Al-Shabaab bagabye igitero bakoresheje imbunda na za Grenade kuri iyi hoteli ikunze gucumbikira abanyapolitiki bakomeye muri iki gihugu ndetse n’abanye-Somalia baba hanze y’igihugu.

Ni mugihe ku ikubitiro abasirikare 2 b’uyu mutwe n’abasivile 3 bahise bahagwa abandi basivili 9 n’abasirikare 3 bakaba bahakomerekeye nk’uko BBC ibivuga.

Igipolisi kiravuga ko umubare w’abahitanwe n’iki gitero ukaba ukomeje kwiyongera kuko abamaze guhitanwa nacyo bamaze kugera ku icumi.

 

 

 

Twitter
WhatsApp
FbMessenger