Simba SC: Meddie Kagere ku isonga ry’abakinnyi bamaze gukina iminota myinshi

Kagere Mddie ukinira ikipe yo muri Tanzania ya Simba SC akaba na rutahizamu w’ikipe y’igihugu y’u Rwanda amavubi, niwe kugeza ubu uhagarariye abandi bakinana muri Simba gukina iminota myinshi mu mwaka w’imikino wa 2019-2020.

Uretse kuba Kagere Meddie ari we urangaje imbere y’abandi mu gukina iminota myinshi, ni nawe umaze gutsindira ikipe ye ya Simba SC ibitego byinshi.

Nk’uko urubuga rwa Soka Tanzania rwabitangaje, imibare (statistics) igaragaza ko uyu rutahizamu amaze gukinira Simba SC iminota 2554 muri uyu mwaka w’imikino wa 2019-2020.

Akurikiwe na myugariro w’umunya-Cote d’Ivoire ukinira iyi kipe, Pascal Wawa wanakiye Azam FC, we amaze gukina iminota 2416.

Myugariro wo ku ruhande rw’ibumoso, Mohammed Hussein bakunze kwita Zimbwe Junior, amaze gukinira Simba SC iminota 2104.

Kuri uru rutaonde rw’abakinnyi 10 bamaze gukina iminota myinshi muri Simba SC, hagaragaraho kandi na Clatous Chama, Shomari Kapombe, Aishi Manula, Jonas Mkude, Francis Kahata, Erasto Nyoni na Hassan Dilunga.

Muri uyu mwaka w’imikino Kagere Meddie amaze gutindira Simba SC ibitego 19 ni na we uyoboye abatsinze ibitego byinshi muri Tanzania.