Shampiyona yakomeje Marine FC yitwara neza imbere ya Police
Mu gihe shampiyona yabaye isubitswe ku makipe afite abakinnyi 3 bahamagawe mu ikipe y’igihugu iri muri Cote d’Ivoir, Marine FC yo yatsinze Police FC umukino w’umunsi wa 22.
Ni umukino wabaye kuri uyu wa Gatanu tariki 22 Werurwe kuri Stade Umuganda i Rubavu.
Igitego kimwe rukumbi cya Marine FC cyatsinzwe na Ndayisenga Ramadhan ku munota wa 27’ w’umukino nyuma y’uko abugarira ba Police FC bari bahagaze nabi.
Umukino warangiye ari Marine FC iri imbere n’igitego kimwe binatuma inafata umwanya wa cumi (10) ku rutonde rw’agateganyo rwa shampiyona n’amanota 26 n’umwenda w’igitego kimwe.
Police FC yo idafite umutoza wayo mukuru Albert Mpande wahagaritswe amezi ane na FERWAFA kubera gushaka gukubita umusifuzi, yagumye ku mwanya wa gatanu n’amanota 34.
Dore indi mikino iteganyijwe ku munsi wa 22 :
Kuwa Gatandatu tariki 23 Werurwe 2019
-Musanze FC vs Gicumbi FC (Stade Ubworoherane)
-Etincelles FC vs Espoir FC (Stade Umuganda)
-Kirehe FC vs Amagaju FC (Kirehe Ground)
Ku Cyumweru tariki 24 Werurwe 2019
-SC Kiyovu vs Bugesera FC (Warasubitswe)
[team_standings 32825]
