Zlatan Ibrahimovic yatandukanye n’ikipe ya Manchester united
Zlatan Ibrahimovic w’imyaka 36 y’injiye mu ikipe ya Manchester United mu mwaka w’imikino wa 2016/2017 ayisinyiye umwaka umwe gusa, yamaze gusesa amasezerano yari afitanye niyi ekipe.
Zlatan utaragiriye ibihe twakita ko atari byiza muri iyi ekipe dore yagize ikibazo cy’imvune yatumye atagaragara mu mikino igiye itandukanye yiyi ekipe , imvune yagiriye ku mukino manchester United yakinaga na Anderlecht muri ¼ cya Europa.
Nyuma y’imvune Zlatan amaze gukira Manchester united yamwongereye andi masezerano y’umwaka umwe muri Kanama 2017 uyu mwaka w’amasezerano utararangira Zlatan na Manchester United bakaba bahise gutandukana ku bwumvikane ku mpande zombi.
Ikipe ya Manchester United ibicishije ku rukuta rwabo rwa Twitter ikaba yanditse ishimira uyumukinnyi mubihe bari bamaranye ndetse ko buri mukinnyi akaba amushimira uburyo babanye, ikindi iyi ekipe ikaba yamwifurije amahirwe mu buzima bwe buri imbere.
Zlatan abicishishe ku mbuga nkoranyambaga akoresha nka Twitter na Instagram yanditse ashimira ikipe , abakinnyi , abafana, umutoza n’abandi bose babanye nawe mu bihe byiza yagiriye muri Manchester United.
Uyu musore yaje mu ikipe ya Manchester United avuye muri Paris Paris Saint Germain yo mu bufaransa(France) akaba yari amaze gukinira iyi ekipe imikino mirongo ine n’itandatu (46) atsinda ibitego makumyabiri n’umunani (28) Zlatan Ibrahimovic yakiniye amakipe akomeye nka Ajax Amsterdam yo mu Buholandi, Inter Milan, AC Milan, Juventus (amakipe atatu yo mu butaliyani), FC Barcelona yo muri Espagne, Paris Saint Germain yo mu bufaransa .
