Zimwe mu mvugo Bob Marley yavuze zikigenderwaho na benshi muri iki gihe
Robert Nesta Marley [Bob Marley] kuri ubu amaze imyaka 38 atabarutse, ni umwe mu bahanzi babaye batazibagirana mu mitima ya benshi kubera ibihangano bye n’imvugo ze byuje ubwenge.
Abantu benshi bakunze ubutumwa buri mu ndirimbo ze zo mu Njyana ya Reggae. Marley yavutse tariki ya 6 Gashyantare mu 1945 muri Jamaica, yavutse kuri Cedella Marley Booker yamubyaye afite imyaka 18 naho se w’umuzungu witwa Norval Marley yari afite imyaka 50.
Bob Marley yatabarutse yariki 11 Gicurasi 1981 aguye mu Mujyi wa Miami muri Leta ya Florida muri Leta Zunze Ubumwe za Amerika. Yasize abana 11 yabyaranye n’abagore batandukanye.
Bob Marley we muhanzi wa mbere ku Isi mu bakora injyana ya Raggae wabashije kugurisha ibihangano byinshi dore ko yagurishije ama-CD agera kuri miliyoni 200.
Kugeza n’ubu imvugo ze zifashishwa n’abantu batandukanye mu mbwirwaruhame zitandukanye, ibintu bishimangira ubuhanga n’ubwenge bw’uyu mugabo ufatwa nk’umukurambere w’abarasta.
- “Ubuzima ni umuhanda munini wuzuyemo ibimenyetso, rero iyo uri kugenda unyura mu mikoki ntukagore ubwonko bwawe. Hunga urwango, ikibi n’ishyari. Wihamba ibitekerezo byawe shyira icyerekezo cyawe ku kuri. Haguruka kandi ubeho.”
- “Itandukanye na sebiki ukoresheje urukundo.”
- “Ubuhangange bw’umuntu ntiburi mu mitungo afite ahubwo ni mu bunyangamugayo bwe n’uburyo ashobora guhindura abamuri impande mu buryo bwiza.”
- “Amafaranga ni imibarwa kandi ntijya irangira. Niba ibyishimo bitangwa n’amafaranga ntuzigera urekera gushaka ibyishimo.”
- “Kubera ko wishimye ntabwo bivuze ko uwo munsi ari mwiza cyane ahubwo ni uko warebye kure y’ibibi byawo.”
- “Muvuga ko mukunda imvura nyamara yagwa mugakoresha imitaka muyigendamo. Muvuga ko mukunda izuba ariko mugashaka ubwugamo iyo rivuye. Muvuga ko mukunda umuyaga ariko iyo uje mufunga amadirishya yanyu. Ni yo mpamvu ngira ubwoba iyo mumbwiye ko munkunda.”
- “Umukobwa ashobora kuba atari icyamamare cyangwa ari ihoho ariko niba agukunda agatuma umwenyura ni iki kindi gikenewe?”
- “Ntawe umenya ko ari umunyembaraga kugeza igihe kuba umenyembaraga ari yo mahitamo yonyine afite.”
- “Umunsi urekera gusiganwa niwo munsi utsinda irushanwa.”
- “Umugabo wa mbere w’ikigwari ni uzamura urukundo rw’umukobwa nta ntego yo kumukunda afite.”
- “Kunda ubuzima ubayemo, ubeho mu buzima ukunze.”
- “Wapfa urwanira ubwingenge aho kuba imbohe ubuzima bwawe bwose.”
- “Ntukizere abantu bafite ibyiyumviro bihindukana n’ibihe. Izere umuntu uhorana ibyumviro bimwe kabone n’ubwo ibihe byahinduka.”
- “Umuntu ntashobora gukora adafite Imana. Nk’uko ukenera amazi iyo ufite inyota, ntushobora kugenda udafite Imana.”
- “Umuziki wanjye uzahoraho iteka. Birashoboka ko ari ubucucu kubivuga ariko iyi ufite ibimenyetso urabivuga. Umuziki wanjye uzahoraho.”
- “Ntukwiye gushyirwa hasi n’ibikubaho ahubwo ukwiye gukoresha ibikubaho nk’ibikuzamura aho kugushyira hasi.”
- “Ntugace urubanza utaraca urwawe.”
- “Sindi mu ruhande rw’abirabura cyangwa abazungu. Ndi mu ruhande rw’Imana.”
- “Ntuzategereze ko Imana igukorera ibyo udakorera abandi.”
- “Urumogi ni umuti w’igihugu, inzoga ni izigisenya.”
- “Iyo unyweye urumogi rutuma wisobanukirwa.”
