Zimbabwe yapfushije umukinnyi mbere yo guhura n’Amavubi
George Chigova wari umunyezamu w’Ikipe ya Super Sport United yo muri Afurika y’Epfo ndetse n’Ikipe y’Igihugu ya Zimbabwe ‘The Warriors’ yapfuye azize umutima.
Kuri uyu wa Gatatu tariki ya 15 Ugushyingo 
ni bwo uyu munyezamu w’imyaka 32 y’amavuko yapfuye.
Ni nyuma y’uko muri Nyakanga uyu mwaka yari yafashwe n’indwara y’umutima yahise ituma atongera gukina umupira w’amaguru kugeza apfuye.
Chigova wamenyekanye ku kabyiniriro ka Zikeeper, yakiniye amakipe arimo Power Dynamos na Polokwane City y’iwabo; mbere yo kujya muri Super Sport United.
Uyu munyezamu kandi yanakiniye The Warriors ya Zimbabwe imikino 32.
Yapfuye mu gihe habura iminota mike ngo Zimbabwe yesurane n’Amavubi y’u Rwanda, mu mukino wo gushaka itike y’Igikombe cy’Isi cya 2026 ubera kuri Stade Mpuzamahanga ya Huye.
