Yagiye gushaka ubutabera abubuze ahitamo kwitwika
Umugabo w’ umunya Vietnam witwa Bui Huu Tuan, w’ imyaka 68 y’ amavuko ku wa Kane tariki ya 12 Nyakanga 2018 yitwiye mu ruhame arapfa nyuma y’ uko urukiko rwari rwamukatiye imyaka 5 y’ igifungo azira gusebya ubutegetsi yajya kujurira ubujurire bwe bugateshwa agaciro.
Uyu mugabo wahoze ari umuyobozi mu gace ka Dao Ngan wo mu karere ka Chuong ho muri Vietnam, yajyanye ikirego mu rukiko rw’ ubujurire banga kucyakira afata icyemezo cyo kwiyahura aho kugirango ajye gusazira mu buroko.
Kubera kwiheba, uyu mugabo yagiye mu muhanda aritwika arashya arakongoka. Umuyobozi w’ akarere uyu mugabo yiyahuriyemo yavuze ko umubiri w’ uyu mugabo wahiye ku kigero cya 77%.
Aganira na Vnexpress , uyu muyobozi w’akarere yatangaje ko umurambo we washyinguwe n’abo mu muryango we.
