Uwigeze kuba Miss wa Iraq yabwiwe ko azicwa n’abatishimiye uburenganzira bw’abagore
Shimaa Qassem, wabaye Miss Iraq mu 2015 avuga yagabwe ibitero by’iterabwoba ko azicwa n’abantu bataramenyekana nyuma yaho mugenzi we w’umunyamideli wamamaye ku rubuga rwa Instagram yishwe arashwe.
Uyu mukobwa w’imyaka 25 ibi yabitangaje yifashishe amashusho yashyize ku rubuga rwa Instagram ari kurira avuga ko yahererejwe ubutumwa ko ariwe ukurikiye kwicwa nyuma yuriya munyamideli wo kuri instagram wishwe.
Ibi bintu bisa nibimaze gufata indi sura muri Iraq, nyuma y;umunyamideli witwa Tara Fareswari ufite abantu bagera kuri miliyoni 2.8 bamukurikira kuri Instagram- yarashwe n’umugabo utarigeze amenyeka mu mujyi wa Baghdad, uru rupfu na rwo rwaje rukurikira urupfu rw’umugore witwa Suad al-Ali uharanira uburenganzira bw’abagore muri Iraq arasiwe mu gace ka Basra.
Ntibizwi niba ubwo bwicanyi bwose bufitaniye isano ariko Haider al-Abadi yavuze ko hari icyihishe inyuma y’ubu bwicanyi bwose gusa ngo batangiye iperereza. Gusa amakuru ahari avuga ko aba bakora ibi ari abagitsimbaraye ku mahame avuga ko umugore ari uwo kuguma murugo gusa akita ku bana, ntabindi bakora.
Uwashinze ikigo kijejwe guharanira agateka ka zina muntu, Iraqi al-Amal, Hanaa Edwar, yabwiye AFP ko ubu bwicanyi bwibasira abagore cyangwa abakobwa muri kiriya gihugu bishingiye ku myumvire y’uko baguma murugo n’ibindi bibongamira uburenganzira bwabo.
