Uwahoze ari umutoza w’Ikipe y’Igihugu Amavubi yitabye Imana
Umukambwe ukomoka mu gihugu cy’Ubudage Rudi Gutendorf, uzwiho kuba yaratoje amakipe amakipe y’ibihugu atandukanye harimo n’ikipe y’igihugu y’u Rwanda Amavubi, yitabye Imana ku myaka 93.
Daily Star dukesha iyi nkuru yanditse ko Rudi nta burwayi yari asanzwe afite, ahubwo ko yazize izabukuru.
Uyu mugabo yatoje ikipe y’igihugu y’u Rwanda kuva mu 1999 kugeza mu 2000 aho yavuye agiye gutoza Samoa ari naho yasoreje akazi ke ko gutoza.
Rudi Gutendorf yatangiye umwuga wo gutoza mu 1955 mu ikipe ya Blue Stars Zürich yo muri Switzerland, ntiyayitinzemo kuko muri uyu mwaka yahise yerekeza mu Busuwisi mu ikpe ya FC Luzern, ikipe yatoje kugeza mu 1961.
Ni umwe mu bagabo batoje amakipe menshi ku Isi, aho yatoje amakipe agera kuri 55 muri yo 18 akaba ari amakipe y’ibihugu, akaba yitabye Imana ku myaka 93.
Mu makipe yatoje harimo Australia (1979-1981), Ghana (1985-1986),Nepal (1986), China (1988), Nepal (1986), Iran U23 (1988), Tanzania (1981), Herta Berlin (1984), Tonga (1981), Fiji (1987), Humberger SV (1977), New Caledonia (1981), Botswana (1976), Sao Tome & Principe (1984),Venezuela (1974), Bermuda (1968), VFB Stuttgart (1965-1966) n’andi makipe atandukanye.
Rudi Gutendorf yavutse tariki ya 30 Kanama 2019, avukira Koblenz, Weimar mu Budage, akaba yaraye yitabye Imana tariki ya 14 Nzeri 2019 ku myaka 93.
