USM Alger ya Bayisenge Emery iri muri Kenya yitegura gukina na Rayon Sports
ikipe ya USM Alger ikinamo myugariro w’umunyarwanda Emery Bayisenge ubu yibereye muri Kenya aho iri kwitegura umukino ugomba kuyihuza na Rayon Sports mu mikino ya CAF Confederation Cup igeze ku munsi wayo wa gatatu.
Iyi kipe yo mu barabu iherutse gusinyisha umunyarwanda waciye mu ikipe ya APR FC Emery Bayisenge, iri muri kenya aho iri kuhakorera imyitozo yitegura guhura na Rayon Sports mu mukino uzabera i Kigali tariki ya 18 Nyakanga 2018 kuri stade ya Kigali i Nyamirambo.
Amakuru ahari avuga ko Emery Bayisenge atari mu bakinnyi bari gukorera imyitozo n’umwiherero muri Kenya, ibi bivuze ko atazagaragara kuri uyu mukino.
Thierry Froger utoza USM Alger yatangaje ko bahisemo gukorera umwiherero muri Kenya ari uko ikirere cyaho kidatandukanye cyane nicy’i Kigali.
USM Alger niyo iyoboye itsinda barimo n’amanota ane, Rayon Sports na Gor Mahia zifite amanota abiri mu gihe Yanga SC ariyo ya nyuma n’inota rimwe.
Abakinnyi 25 iyi kipe izazana i Kigali, ari na bo batangiye umwiherero muri Kenya kuri iki Cyumweru ni: Zemmamouche, Mansouri , Berrefane , Sifour Meftah, Mezghrani, Benchikhoune , Chafai, Hamra, Benyahia, Mexes, Cherifi, Benmoussa Chita, Benkhemassa , Koudri . Benguit, Sayoud , Bouderbal, Meziane , Ardji , Yaya, Mahious , Benchaa , Hamia, Benhamouda.
Rayon Sports yabonye itike yo gukina mu matsinda y’imikino ya CAF Confederation Cup imaze kubura itike yo gukomeza mu matsinda ya CAF Shampions League ubwo yatsindwaga na Mamelodi Sundowns yo muri Afurika y’Epfo.
