USA igiye gufatira imyanzuro ikomeye abanyamahanga batikingije COVID-19
Kubera ubwiyongere bw’abandura icyorezo cya Coronavirus ibihugu bitandukanye ku Isi bikomeje gufata ingamba zikomeye mu gukumira ubu bwandu ndetse ari nako hakingirwa benshi mu banyagihugu.
Kuri ubu Amerika imaze gukingira COVID19 benshi mubaturage bayo aho nibura hejuru ya 70% by’Abanyamerika bafashe nibura doze ya mbere y’urukingo rwa Covid-19.
Gusa imibare y’abandura yongeye kuzamuka ndetse nko muri leta ya Florida imibare y’abashyirwa mu bitaro irenga iyigeze ibaho mbere.
Leta zunze ubumwe za Amerika ubu zigiye gusaba abagenzi bose bavuye mu mahanga kuba barakingiwe byuzuye ni ukuvuga yarafashe inkingo zombi, nk’uko umwe mubakozi bo muri White House yabitangaje.
Ubuyobozi bwa Joe Biden biravugwa ko bwasabye inzego zibishinzwe gutegura mu byiciro gufungurira imipaka abanyamahanga, nubwo ntagihe cyatajwe ibi bizatangirira.
Amabwiriza ariho ubu abuza abagenzi benshi bavuye mu mahanga kwinjira muri Amerika. Amabwiriza ya mbere nk’aya yari yashyiriweho Ubushinwa mu kwezi kwa Mutarama mu mwaka wa 2020.
Kuva icyo gihe, yagiye yagurwa ku bantu bose batari Abanyamerika bavuye mu Bwongereza n’ibihugu by’Ubumwe bw’Uburayi, Brazil, Ireland, Ubuhinde, Iran na Africa y’Epfo.
Kuri ubu Amerika yugarijwe no kwiyongera gushya k’ubwandu, cyane cyane mu bantu batarakingirwa, Gusa ibi birkuba mu gihe ubwoko bwa Delta bukomeje kwiyongera cyane.
Kuri ubu uturere twinshi n’ibikorwa by’ubucuruzi muri Amerika ubu byongeye gushyiraho amabwiriza ategeka abantu kwambara agapfukamunwa ahari abantu benshi.
Mu Bufaransa naho hafashwe ingamba zikomeye zirimo ko abakora ingendo zaba izo mu ndege, gari ya moshi na bus na bo ntibazaba kubona izi serivise keretse berekanye ibyangombwa byerekana ko bakingiwe coronavirus.
Ibyo byangobwa birimo icyerekana ko uwafashe doze ebyiri z’inkingo zemewe i Burayi nka Pfizer, Moderna, AstraZeneca na Johnson & Johnson. Hari kandi nicy’uko umuntu yipimishije (PCR) mu masaha 48 n’icyerekana ko yakize Covid-19 mu mezi atarenze atandatu.
Kumenyesha
Uramutse ukeneye kumenyekanisha ibikorwa byawe (kwamamaza) cyangwa gutanga itangazo runaka uhawe ikaze kuri Teradignews.rw.
Huhamagara 0780341462 / 0784581663 // Whatsapp 0784581663 / 0789 564 452
