Urwego rw’igihugu rw’ubugenzacyaha (RIB) rwabonye umuvugizi mushya
Kuri uyu wa gatanu taliki ya 25 Ukwakira nibwo urwego rw’igihugu rw’ubugenzacyaha RIB, rwabonye umuvugizi mushya, Marie Michelle Umuhoza akaba yasimbuye Mbabazi Modeste wari usanzwe kuri uwo mwanya.
Aya makuru yatangajwe n’ urwego rw’igihugu rw’ubugenzacyaha (RIB) rubinyujije ku rubuga rwa twitter, ku mugoroba wo kuri uyu wa gatanu tariki ya 25 Ukwakira 2019.
Mu nama idasanzwe y’Abaminisitiri yari iyobowe na Perezida Paul Kagame ku italiki ya 19 Ugushyingo umwaka ushize wa 2018 nibwo Umuhoza yari yagizwe umugenzuzi muri RIB (Investigation analyist) naho Mbabazi Modeste agirwa Umuvugizi muri uru rwego.
