Urukiko rwanze ko Album ya nyakwigendera Radio ishyirwa hanze
Urukiko rwo muri Uganda rwanze ko Alubumu y’indirimbo nyakwigendera Mowzey Radio yitabye Imana amaze gukora ishyirwa hanze.
Ibi bibayeho mu gihe ushinzwe inyungu (manager) mushya w’itsinda rya Goodlife yari yatangaje ko hazabaho kumurika indirimbo Radio yaririmbye ndetse hakabaho n’umuziki wa bucece.
Rubinyujije mu itangazo uru rukiko rwanzuye ko nta muntu n’umwe wemerewe gukoresha ibihangano bya Mowzey Radio atabanje guhabwa uburenganzira n’urukiko rushyize imbere inyungu z’umuryango we.
Itangazo riragira riti “ Turamenyesha abantu bose, ibitangazamakuru ko nta muntu cyangwa urwego rwemerewe gushyira hanze ibihangano bya nyakwigendera Radio nta burenganzira ahawe n’urukiko.”
Iri tangazo riburira abantu bose ko uzarenga kuri uyu mwanzuro azahanwa n’amategeko.
