Urugo rwa Oprah Uwoya wahoze ari umugore wa Katauti rushobora gusenyuka

Oprah  Uwoya ubu usigaye witwa Sheilla nyuma yo kurushinga n’umuraperi  Dogo Janja , urugo rwaba  bombi umubano wabo watangiye kuzamo ibibazo biturutse ku urukundo rw’ibanga rurikuvugwa hagati ya Dogo Janja n’umukobwa bahoze bakundana witwa Dayana.

Irene Uwoya [Oprah] wahoze ari umugore wa Ndikumana Katauti agiye kuzuza amezi icyenda  abana na  Dogo Janja , Ibinyamakuru byo muri Tanzania birimo Global Publishers , Ijumaa Wikienda  bitangaza ko umubano wabo utifashe neza nkuko byahoze aya makuru avuga ko ibi  byose  byaturutse ku mukobwa witwa Dayana watwaye umutima Dogo Janja.

Uyu mukobwa uri gushyirwa mu majwi  mu gusenya uru rugo avuga  bigoye ko Irene Uwoya yakundana ubuziraherezo na Dogo Janja ugifite amaraso ashyushye mu gihe we amaze imyaka myinshi kumurusha.

Yagize ati “Numva naha mukuru wanjye Uwoya inama yo kubwira umugabo we ntakomeze kumpamagara cyane kuri Telefone kuko njye mfite undi muntu turi kumwe, azahura n’ibibazo kuko Dogo Janja aracyari muto.”

Oprah abajijwe  kuri ibi uyu mukobwa Diyana yavuze , yamusubije agira ati “Ndumva nta kintu kinini navuga gusa mushimiye inama ye, nayakiriye kandi nzayikurikiza”

Ubukwe bwa Irene Uwoya(Oprah) na Dogo Janja byakurikiwe n’impaka mu bantu baseka uyu muhanzi bavuga ko ashatse umugore ukuze cyane mu myaka.