Urubanza rwa ba barwanyi 25 b’umutwe wa RNC rwasubitswe
Kuri uyu wa kane, urukiko rwa gisirikare rwa Nyamirambo rwasubitse urubanza rw’abantu 25 baregwa gukorana n’umutwe urwanya ubutegetsi bw’u Rwanda wa RNC, ku mpamvu zuko abaregwa basabye umwanya wo gushaka abazabunganira mu mategeko.
Ku munsi w’ejo ni bwo aba bantu uko ari 25 bagejejwe bwa mbere imbere y’urukiko, kugira ngo batangire kuburanishwa ku byaha bine bakurikiranweho, birimo Kwinjira mu mitwe y’ingabo itemewe, Kugirana umubano n’ibindi bihugu, hagamijwe gushoza intambara, Kurema umutwe w’abagizi ba nabi, Kugirira nabi ubutegetsi buriho.
Ubwo urubanza rwabo rwasubukurwaga kuri uyu wa kane, abaregwa bagaragaje impungenge z’uko badafite ubunganira mu mategeko, bijyanye n’uko banafite ubumenyi buke mu bijyanye n’amategeko.
Urukiko rwategetse ababurana ko ku wa 14 Ukwakra aribwo bazagaruka imbere y’umucamanza, udafiteubushobozi akaba yakoresha uburenganzira ahabwa n’itegeko ryemerera udafite ubushobozi kubona umwunganira mu gihe yabigaragarije ubwanditsi bw’urukiko.
Abakurikiranyweho gukorana na RNC ni 25, bakaba barimo abanyamahanga icyenda, barimo Abarundi bane, Abanya-Uganda batatu, Umunya-Tanzania umwe ndetse n’Umunya-Malawi.
