Umwe mu banyamakuru b’imikino ba hano mu Rwanda yagizwe Team Manager wa Musanze FC
Ikipe ya Musanze FC yamaze kugira Patrique Niyonzima usanzwe ukora ikiganiro cy’imikino kuri Energy Radio yo mukarere ka Musanze umuyobozi ushinzwe imibereho myiza y’abakinnyi(Team Manager.)
Uyu munyamakuru uzwi ku kazina ka Papan Utamu yatangajwe yemejwe n’ubuyobozi bwa Musanze FC nka Team Manager wayo ku munsi w’ejo, asimbuye Amani Faustin wari usanzwe akora nk’ushinzwe imibereho myiza y’abakinnyi b’iyi kipe y’i Musanze.
Nyuma iyi kipe yaje no kubisangiza ibinyujije ku mbuga nkoranyambaga zayo.
Amakuru aturuka i Musanze kandi avuga ko iyi kipe iri mu rugamba rwo gushaka umutoza mukuru uzafasha iyi kipe mu mwaka w’imikino utaha, akaba agomba kuva hagati ya Seninga Innocent usanzwe ari umutoza mukuru w’iyi kipe na Emmanuel Ruremesha usanzwe utoza Etincelles y’i Rubavu.
