Umwana w’imyaka 14 mu bishwe na Coronavirus ikomeje kwiyongera

Icyorezo cya Coronavirus gikomeje gukaza umurego mu buryo bukomeye cyane ndetse imibare y’abandura ndetse n’abahitanwa niki cyorezo ikomeza kugenda yiyongera cyane kuva iki cyorezo cyagera mu gihugu cyacu umwaka ushize.

Ku munsi wejo kuwa kabiri tariki ya 3 Kanama 2021, Minisiteri y’Ubuzima yatangaje ko abantu 13 bahitanwe n’icyorezo cya Coronavirus, aho umwana w’imyaka 14 y’amavuko ari umwe mu bahitanwe nacyo ibintu byabaje cyane umuryango w’uyu mwana.

Kumenyesha

Uramutse ukeneye kumenyekanisha ibikorwa byawe (kwamamaza) cyangwa gutanga itangazo runaka uhawe ikaze kuri Teradignews.rw.
Huhamagara 0780341462 / 0784581663 // Whatsapp 0784581663 / 0789 564 452

Iyi Minisiteri kandi yatangaje ko abantu bagera kuri 775 ari babonetse ku munsi wejo banduye icyorezo cya Coronavirus mu bipimo birenga ibihumbi 10 byafashwe byahise bituma umubare w’abantu bamaze kwandura iki cyorezo mu gihugu cyacu bagera ku 72.841 kuva mu kwezi kwa gatatu 2020.

Ibice byagaragayemo abantu benshi banduye iki cyorezo ejo kuwa kabiri, ni mu turere tw’Umujyi wa Kigali, Nyaruguru, Rusizi, Huye, Muhanga, Nyamagabe na Kamonyi mu gihe utwo mu Burasirazuba natwo tuza mu dufite imibare myinshi y’ubwandu.

Uyu mwana witabye Imana muri 13 icyorezo cya Coronavirus cyahitanye ku munsi wejo, yakomokaga mu karere ka Rugango ndetse ababyeyi b’uyu mwana bakaba bashenguwe cyane n’urupfu rw’umwana wabo wazize iki kinyagwa cya Covid-19 gikomeje kuzahaza isi yacu.

Mu itangazo Minisiteri y’Ubuzima yashyize hanze, yihanganishije imiryango y’abagore icyenda n’abagabo bane bitabye Imana ndetse ikaba yakomeje ivuga ko umubare w’abamaze guhitanwa na Covid-19 bamaze kugera kuri 844 barimo abantu 53 barembye cyane.

Abantu 9818 nibo bakingiwe, bahabwa dose ya mbere y’urukingo mu gihe abamaze gukingirwa byuzuye bo ari 476.140.

Yanditswe na Bertrand Iradukunda