Umuyobozi wa Radio 1 yahigiye gutaramira abantu yambaye isokoreke AS Kigali n’itwara igikombe-VIDEO
Umuhanzi akaba n’umunyamakuru ndetse n’umuyobozi wa Radiyo na TV1 yarahiriye abagabo bari kumwe ko AS Kigali nitwara i gikombe cya shampiyona ya 2018 azataramira abantu yambaye isokoreke.
Ibyo Kakoza Nkuriza Charles uzwi cyane nka KNC yarahiye, byasakajwe ku mbuga nkoranyambaga binyuze mu mashusho uyu mugabo yafashwe arahira ko ikipe y’umujyi wa Kigali niramuka itwaye igikombe cya shampiyona azaririmbira mu kabari afite ku musozi wa Gasogi ahitwa ku Ijuru rya Gasogi yambaye ikariso gusa.
KNC yagize ati:”As de Kigali niramuka itwaye igikomba cya shampiyona y’u Rwanda Azam Premier League njyewe ku giti cyanjye mfatanyije na Dodos nzajya mu ijuru rya Gasogi nambaye ubusa ndirimbe, nzaba nambaye isokoreki gusa.”
KNC yatangaje ibi mu gihe ikipe ya As Kigali ari yo iyoboye urutonde rwa Shampiyona y’u Rwanda by’agateganyo n’amanota 51 irusha APR FC inota rimwe ariko APR FC ikaba ifite umukino w’ikirarane izakina na Polisi Fc ku Cyumweru tariki 10 Kamena 2018.
Reba uko KNC yahize kuzaririmba yambaye ubusa
