Umutoza wa Patriots BBC wayihesheje igikombe cya shampiyona yatandukanye nayo
Henry Muinuka wari umutoza wa Patriots BBC yamaze gutandukana n’iyi kipe nyuma yo kuyihesha igikombe cya shampiyona ndetse no kuyifasha kwitwara neza mu majonjora ya Basketball Africa League.
Ikipe ya Patriots BBC ibinyujije ku rubuga rwa Twitter yemeje ko yamaze gutandukana n’uyu mutoza ukomoka muri Tanzania, ndetse inamwifuriza amahirwe ahandi azerekeza mu minsi iri imbere.
Biravuga ko uyu mutoza agiye kwerekeza muri REG BBC aho agomba kujya ahembwa Milioni eshatu Ku kwezi , Patriots BBC yagerageje kumwongera amasezerano ariko arabyanga dore ko yari ayamaranye ukwezi yaranze kuyasinya .
Muri Patriots BBC yahembaga Henry Muinuka, 1200 y’amadorali, ni asaga Miliyoni y’amafaranga y’U Rwanda, Mu myaka ine yaramazem muri Patriots yanatwayemo Igikombe cy’umunsi w’intwari ,irushanwa ryo Kwibuka ndetse n’irushanwa ribanziriza shampiyona yatwaye mu mwaka wa 2017.
