Umutoza umaze kuba inararibonye mu Rwanda agiye gutoza ikipe yo muri Uganda
Ikinyamakuru cyo muri Uganda cyatangaje ko umutoza umaze kugira ubunararibonye mu mupira w’amaguru muri Afurika y’i Burasirazuba, Hitimana Thierry mu minsi micye ashobora gutangazwa nk’umutoza mushya w’ikipe ya Mbarara City FC ibarizwa mu Cyiciro cya Mbere muri Uganda.
Hashize ukwezi kurenga uyu mutoza w’Umunyarwanda ari mu biganiro n’ubuyobozi bw’ikipe ya Mbarara City FC, impande zombi zikaba zaramaze kumvikana ku buryo isaha ku isaha ashobora gutangazwa nk’umutoza wayo mushya.
Kumenyesha
Uramutse ukeneye kumenyekanisha ibikorwa byawe (kwamamaza) cyangwa gutanga itangazo runaka uhawe ikaze kuri Teradignews.rw.
Huhamagara 0780341462 / 0784581663 // Whatsapp 0784581663 / 0789 564 452
Ikinyamakuru Football 256 kirashimangira ko nta gihindutse muri uku kwezi kwa Kanama Hitimana Thierry azashyira umukono ku masezerano yo gutoza ikipe ya Mbarara City FC.
Iyi kipe iri mu nzira zo gusinyisha Hitimana Thierry, muri Nyakanga 2021 yatandukanye na Mbabazi Livingstone nyuma y’uko yari amaze gutsindwa n’ikipe ya Arua Hill SC.
Hitimana Thierry w’imyaka 43 y’amavuko yabaye umukinnyi w’igihangange, yanatoje amakipe atandukanye yo mu Rwanda arimo na Rayon Sports.
Uyu mutoza kandi yatoje amakipe yo mu gihugu cya Tanzania nka Biashara United, Namungo FC na Mtibwa Sugar.
