Umutoza Karekezi agiye arakaje bikomeye abafana ba Rayon Sports.
Umutoza Olivier Karekezi kuri ubu werekeje mu gihugu cya Suwede, asize uburakari bukomeye mu bakunzi b’ikipe ya Rayon Sports, ahanini bushingiye ku gutsindwa mu mukino wahuje iyo kipe na mukeba wa yo APR FC.
Karekezi ugiye nyuma yo gutsindwa mu mukino wabaye ku cyumweru itariki ya 25 Gashyantare 2018, bucyeye ku wa mbere mu masaha y’ijoro nibwo yafashe rutemikirere, maze yerekeza mu gihugu cya Suwede aho asanze umugore n’abana be. Igitangaje kuza ubu nuko atigeze asezera staff cyangwa ngo yerure ko atazagaruka, ariko mu magambo ye byumvikanaga ko amahirwe menshi ari uko atazagaruka.
Ikigaragara nuko baba abakinnyi yaba staff ya Rayon Sports, ndetse n’abafana muri rusange, nta n’umwe udatewe umujinya no kuba ikipe imaze iminsi itsindwa na mukeba wa yo APR FC, bikaba bicyekwa ko umutoza Karekezi ashobora kutazagaruka, kuko ngo ndetse mbere yari yabwiwe ko natsindwa imikino itatu azahita yirukanwa, nkuko tubikesha ruhagoyacu.com.
