Umunyana Shanitah agiye guhagararira u Rwanda mu irushanwa rikomeye ku mugabane w’ Afurika
Igisonga cya Mbere cya Miss Rwanda 2018 Umunyana Shanitah agiye guhagarira u Rwanda mu irushanwa rya Miss University Africa 2018 rizaba mu kwezi ku Kuboza uyu mwaka turimo.
Shanitah nawe ni umwe mu bakobwa 20 bahataniye ikamba rya Miss Rwanda 2018, aho yagiyemo ahagarariye Intara y’Amajyepfo irushanwa ryarangiye abashije kwegukana umwanya wo kuba ari igisonga cya Mbere, Ku bwibyo Shanitah yatoranyijwe na Rwanda Inspiration Back Up itegura Miss Rwanda ngo abe ari we uhagararira igihugu muri iri rushanwa rwatumiwemo uyu mwaka.
Muri iri rushanwa Shanita azahatana n’abandi bakobwa barenga 50 bazahatana baturutse mu bihugu bitandukanye akaba yumva ko muri afite icyizere ko yahigika bagenzi be bazaba bahanganiye ikamba rya Miss University Africa 2018.
Umwaka ushize wa 2017 iri rushanwa ryaberaga muri Nigeria rye gukanywe na Lorriane Nadal wari uhagarariye igihugu cya Mauritius, mu gihe u Rwanda rwari ruhagarariwe na Umutoniwase Linda waje no kuza ari mu icumi ba mbere icyo gihe.
Miss University Africa yatangiye mu 2010, u Rwanda rwayitabiriye mu mwaka wa 2012, icyo gihe haje kujyayo uwari Nyampinga w’Igihugu Mutesi Aurore gusa ntiyabashije gutahana ikamba
