Umukobwa yaciye igitsina cy’umukunzi we amuziza amakuru adahagazeho neza

Mu gihugu cya Qatar haravugwa inkuru mbi y’umukobwa wo muri Kenya ukiri muto waciye ubugabo bw’umukunzi we wo muri Nigeriya nijoro.

Uyu mugore uzwi ku izina rya Njoki yakundanye n’uyu mugabo kuva muri 2020, ariko mu cyumweru gishize, ibintu byahinduye isura ubwo uyu mugore yabonaga ubutumwa bwinshi kuri telefone y’uwo mugabo arimo kuganira n’undi mukobwa

Njoki abajije umugabo impamvu yabikoze, umugabo yaramusubije ati: “N’umubiri wanjye, nshobora kugusiga kubera uyu mukobwa”.

Iki gisubizo cyarakaje Njoki ahitamo guhana uyu mugabo. Yatyaje icyuma cyo mu gikoni ategereza ko igihe kizaza.

Nijoro ubwo uyu munyanigeria yari asinziriye, Njoki yerekeje mu gikoni afata icyuma, ahita akata igitsina cy’umugabo arahunga.

Uyu mugabo yahise ajyanwa ku kigo nderabuzima cya Ahmad i Doha mu gihe abapolisi bagishakisha Njoki.

Umuryango w’abanyafurika baba muri Qatar washyize hanze amafoto agaragaza ukuntu uyu mugore yahemukiye uyu mugabo babanaga.

umwe mu baganiriye n’ikinyamakuru Sonko News bavuze ko uyu mugore yasize icyasha umuryango wabo.

Amakuru avuga ko bamwe mu bakobwa bakomoka muri Afurika bashinze inzu zo gusambaniramo muri iki gihugu n’abagabo bakomoka kuri uyu mugabane ndetse ngo benshi mu bagore bakunda abagabo bo muri Nigeria kuko bishyura menshi.

S’ubwa mbere umunyafurika aciye igitsina umugabo bari mu mahanga kuko muri 2018,uwitwa Grace Miano yavuzwe cyane mu binyamakuru ubwo yicaga umugabo we ukomoka muri Malawiwitwa Limbani Mzoma i Dublin muri Ireland.

Grace Miano, wari ufite imyaka 50 icyo gihe, yishe uyu mugabo we w’imyaka 27 ubwo bari kumwe mu nzu bari bakodesheje i Dublin