Umuhungu wihinduje igitsina agiye guhagararira Espagne mu bahatanira Miss Universe 2018 + (AMAFOTO)
Angela Ponce, w’imyaka 26 ukomoka muri Seville yambitswe ikamba rya Miss Universe mu gihugu cya Espanye atsinze abandi bakobwa 22 bari bahanganiye iri kamba, ibi bikaba byatumye Angela ariwe uzaba ahagarariye iki gihugu mu irushanwa ry’ubwiza ya Miss Universe 2018 muri Philippine.
Uyu Angela Ponce akimara guhabwa iri kamba yanditse ku rukuta rwe rwa Instagram avuga ko igihugu cye Espanye ari cyo ashyize imbere akaba yizeye ko azagihagararira neza izo zikaba ari zimwe mu nzozi ze afite.
Yagize ati “Icyo nshyize imbere ni ukwerekana amabara ya Espagne mu maso y’Isi, ni zo nzozi zanjye.” Yongeyeho ko mu bindi azashyira imbere harimo kuvuganira abaryamana bahuje ibitsina n’abandi bose bahuriye mu muryango uzwi nka LGBT[Lesbian, Gay, Bisexual, and Transgender].
Angela ufite Santimetero 181 yahawe iri kamba rya Miss Universe muri Espanye mu gihe ishyirahamwe ry’ abaryamana bahuje ibitsina n’abihinduje ibitsina bari mu kwezi kw’ibyishimo (LGBT Pride Month). Daily mail ivuga ko uyu Angela Ponce mber agifite imyaka itatu yagaragaraga nk’umukobwa niwe ugiye guhagararira igihugu cya Espagne mu Miss Universe 2018.
Abanenga itorwa ry’uyu mukobwa bavuga icyatumye atsinda ari uko afite uburebure butandukanye cyane n’ubwabakobwa basanzwe kuko afite igihagararo cy’abagabo , abavuga ko aba bihinduje ibitsina bajya bajya mu marushanwa yabo aho kujya guhanga n’abandi badahuje imitere y’umubiri.
Irushanwa ry’ubwiza rya Miss World ryo rivuga ko ritemerera abakobwa bihinduje ibitsina kwitabira irushanwa ryabo, gusa Miss Universe hasize imyaka isaga 6 rikuyeho itegeko ryakumiraga aba bakobwa ko bakitabira iri rushanwa , umunyamideli Jenna Talackova wo muri Canada nawe ari mubanze igitsina bavukanye aka gihinduza kuri ubu akaba nawe yarahawe ikamba rya Miss Universe muri Canada.
