Umuhungu wa Perezida Museveni_ Gen.Muhoozi yavuze impamvu yita perezida Kagame Se Wabo
Umuhungu wa perezida Museveni akaba umugaba w’Ingabo za Uganda zirwanira ku butaka Lt Gen Muhoozi Kainerugaba, yasobanuye ko kuba Perezida Paul Kagame ari mwiza kuri we nka se umubyara ari yo mpamvu akunze kumwita ’Uncle’ we.
Ni mu butumwa uyu muhungu wa Perezida Yoweri Museveni yanditse kuri Twitter ye.
Ati: “Hari abaswa benshi bigamba kutumenya twe n’umuco wacu ugoye cyane. Iyo nise Perezida Paul Kagame ’Uncle’ wanjye, mu muco wacu bisobanuye ko ari mwiza kuri njye nka data. Uko ni ko mwubaha.
Gen Muhoozi yasobanuye impamvu yita Perezida Kagame se wabo, nyuma y’igihe yaramuhaye ririya zina. Uyu muhungu wa Perezida Yoweri Kaguta Museveni mu ntangiriro z’uyu mwaka ni bwo yatunguranye yita Perezida Kagame ’Uncle’ we, mu gihe umubano w’igihugu cye n’u Rwanda wari utifashe neza.
Ibi byakurikiwe n’ingendo ebyiri zigamije kuwuzahura yagiriye hano mu Rwanda, zinasiga Perezida Paul Kagame amugabiye inka; mbere yo kwitabira ibirori by’isabukuru ye y’amavuko i Kampala muri Mata uyu mwaka.
