Umuhungu byanze! Rwatubyaye Abdul yatijwe mu kiciro cya kabiri
Myugariro w’ikipe y’igihugu Amavubi Rwatubyaye Abdul, yamaze gutizwa muri Colorado Springs Switchbacks FC ibarizwa muri shampiyona y’ikiciro cya kabiri muri leta zunze ubumwe za Amerika avuye muri Colorado Rapids yakiniraga.
Ikipe ya Colorado Rapids yemeje aya makuru ibicishije ku rubuga rwayo.
Ni nyuma y’ibyumweru bibiri byonyine Rwatubyaye w’imyaka 22 y’amavuko yari amaze muri Colorado Rapids. Ku wa 08 z’uku kwezi ni bwo Rwatubyaye yavuye muri Sporting Kansas City FC yamukuye muri Rayon Sports yerekeza muri Colorado Rapids ibarizwa muri Conference y’Iburengerazuba muri MLS.
Ni nyuma yo kumugurana na Benny Felhaber wavuye muri Colorado yerekeza muri Kansas City.
Magingo aya inkuru igaragara ku rubuga rw’ikipe ya Colorado Rapids ivuga ko Rwatubyaye yatijwe Colorado Springs Switchbacks, akaba agomba kuyikinira kugeza uyu mwaka w’imikino urangiye.
