Umuhanzi 1Rail yasesekaye i Kigali yiteguye gushimisha abazitabira Rock your body(Amafoto)
Team unique, itsinda ry’urubyiruko, ryateguye igitaramo kizabera ku bwogero kizaba kirimo umuhanzi 1Rail uturutse muri Kenya ndetse kurbu akaba yasesekaye i Kigali.
Si ubwa mbere iri tsinda ritegura igitaramo kizwi ku izina rya rock your body rigarutsweho cyane kuko no mu mpera z’umwaka washize wa 2016 iki gitaramo cyabaye kikaza kwitabirwa n’abatari bake biganjemo urubyiruko.
Rock your body y’uyu mwaka izaba irimo udushya twinshi cyane ko izaba irimo abahanzi bakomeye hano mu Rwanda, amatsinda abyina,abakora ibijynaye no kumurika imideli ndetse n’umuhanzi uzaturuka muri Kenya uzwi ku izina rya 1 Rail.
Iki gitaramo giteganijwe ku itariki 05 Kanama 2017 muri Hilltop Hotel iherereye i Remera mu mujyi wa Kigali.
Abahanzi bo mu Rwanda bazaba barimo ni Gabiro Guitar na Babu Tight king banafitanye indirimbo bise ikofi bahuriyemo na Bulldog ndetse hazaba harimo umuhanzi witwa Benny Gash n’ababyinnyi nka Sons of bit , Phantoms, Bad trip na Guardians.
Hazaba harimo abakora ibijyanye n’imideli nka Foxy agency, Harmony na Kera fashion, saa saba ubwogero [pool] buzaba bwafunguwe abitabiriye batangire koga naho ndetse n’igitaramo nyirizina kiri kuba kigeze saa tanu z’ijoro, ndetse n’amatike ubu yarasohotse.
Umuhanzi uturutse muri Kenya 1Rail akaba yamaze gusesekara i Kigali , aho yaje gutaramira abazitabira iki gitaramo, mu masaha ya saa kumi nibwo yari asesekaye ku kibuga cy’indege i Kanombe aho yakiriwe n’abateguye iki gitaramo ndetse n’abandi bari bafite inyota yo kumubona.
Akarusho kuriki gitaramo n’uko hari moto za Safe motos zizatwara abantu kubuntu aho baba bari hose muri Kigali ,icyo abantu bazifuza kugenda kurizi moto z’ubuntu basabwa kuba bafite Application ya Safe motos iboneka muri Playstore za telefoni zose.
