Umugore wafunguje R Kelly yagabweho igitero
Umugore uherutse gufasha R Kelly kwishyura amafaranga y’ingwate kugira ngo ave mu muri gereza yatangiye guterwa ubwoba n’abantu bataramenyekana.
Uyu mugore wafashije R Kelly kwishyura amadolari ibihumbi ijana kugira ngo afungurwe yamenyeshejwe ko aho akorera mu kigo kirera incuke cya Valencia P.Love ko hatezwe igisasu ndetse ko ari we abanzi bashakaga ko gihitana.
Ibi bintu Polisi yabimenye nyuma yaho abantu batandukanye bahamagaye igipolisi bavuga ko kuri Valencia P.Love hatezwe igisasu.
Polisi ya Chicago yahageze abaturage bakimara kuyitabaza ndetse ihita itangira iperereza ngo hamenyekanye abihishe inyuma y’uyu mugambi mubisha gusa kugeza ubu ngo nta muntu watawe muri yombi.
Polisi yo mu mujyi wa Chicago yemereye ikinyamakuru TMZ ko yakiriye telefone zitabarika imenyeshwa ko hari igisasu cyatezwe hafi y’ishuri ryigisha incuke.
Robert Sylvester Kelly [R Kelly] w’imyaka 52 yari aherutse kwishyikiriza Polisi mu Mujyi wa Chicago ku wa Gatanu tariki 22 Gashyantare nyuma y’uko hari hashize amasaha make hasohotse impapuro z’imuta muri yombi.
Uyu muririmbyi ashobora no kongererwa ibirego ashinjwa bitewe n’uko umushinjacyaha Michael Avenatti uri mu kirego cye akomeje gushyikiriza urukiko amashusho amwerekana asambanya abana batarageza imyaka y’ubukure benshi mu bihe bitandukanye.
