Umubare w’abahitanwa na Covid-19 mu Rwanda ukomeje kwegera hejuru
inisteri y’Ubuzima ivuga ko tariki 10 Nyakanga, 2021 Covid-19 yishe abantu 17 mu gihe abanduye bashya ari 830, cyakora abakize ni 869.
Abapfuye ni abagore 11 b’imyaka 81, 74, 67, 50, 33 (i Kigali), 81 (i Rutsiro), 78 (i Gicumbi), 75 (i Musanze), 74, 70 ( i Rubavu), na 63 (muri Nyamasheke), abandi bapfuye ni abagabo batandatu b’imyaka 88, 34 (i Kigali), 80, 56 (Kamonyi), 63 (Nyamagabe), n’uw’imyaka 40 (i Muhanga).
Abantu bakirwaye Covid-19 ni 15 110 barimo 63 barembye.Inzego zishinzwe ubuzima zisaba Abaturarwanda baba abakingiwe n’abatarakingirwa gukomeza kwitwararika birinda kwandura cyangwa kwanduza abandi icyorezo cya Covid-19 gikomeje kugaragaza ubukana mu Rwanda n’ahandi ku isi.
Yanditswe na Didier Maladonna
