Uko imikino ya UEFA Champions league yagenze(Amafoto)

Mu ijoro ryakeye, imikino ya UEFA Champions league yakomeje ku munsi wa mbere w’imikino y’amatsinda hakinwa imikino yo kuva mu tsinda E kugera mu tsinda H ari na ryo rya nyuma.

Mu mikino yo mu tsinda E yabaye, ikipe ya Benfica Lisbon yo muri Portigal yatsiindiwe mu rugo na Bayern Munich ibitego 2-0, mu gihe ikipe ya Ajax Amsterdam yatsinze 3-0 AEK Athens yo mu Bugiligi. Ikipe ya Bayern Munich yatindiwe na Robert Lewandowski cyo kimwe na Renato Sanchez.

Mu tsinda F: Manchester City itari ifite umutoza Pep Guardila yatsindiwe mu rugo na Lyon ibitego 2-1, mu gihe Shaktar doneski yanganyije 2-2 na Hoffeneimh yo mu Budage. Ikipe ya Lyon yatindiwe na Cornet cyo kimwe na Nabil Fekir, mu gihe City yabonewe impozamarira na Bernaldo Silva.

Mu tsinda G: Ikipe ya Victoria Plzen yanganyije 2-2 na CSKA Moscou, Real Madrid ikosora AS Roma ku bitego 3-0. Igitego cya mbere cya Madrid cyatsinzwe na Isco, icya kabiri gitsindwa na Gareth Bale mu gihe icy’agashinguracumu cyatsinzwe na Mariano Diaz mu minota ya nyuma y’umukino.

Mu tsinda H ari na ryo rya nyuma, Juventus ibifashijwemo n’ibitego bya Miralem Pjanic yagiye gutsindira Valencia i Mestalla, mu gihe Manchester United ibifashijwemo na Paul Pogba cyo kimwe na Anthony Martial batsindiye Young Boys mu Busuwisi ibitego 3-0.

Icyavuzwe cyane muri iyi mikino y’umunsi wa mbere w’amatsinda, ni ibitego 3 bya Lionel Messi n’ikarita itukura yaraye yeretswe Cristiano Ronaldo wakiniraga Juventus umukino wa mbere muri UEFA Champions league.