Uganda: Bari gukubitwa iz’akabwana kubera kwica amabwiriza yo kurwanya COVID-19
Mu gihugu cy’abaturanyi cya Uganda, Polisi yaho iri gukubita umuturage uwari we wese uri kurenga ku mabwiriza yo kuguma mu rugo yatanzwe na Perezida Museveni mu rwego rwo kurwanya ikwirakwizwa ry’icyorezo cya Coronavirus.
Kuva COVID-19 yagera muri Uganda, Perezida Museveni yatangaje ingamba zikomeye zo kurwanya Coronavirus, yafuze ko amashuri, insengero bifunzwe , abamotari bahagaritswe , amasoko afunzwe ndetse n’ibindi bikorwa bihuriza hamwe abantu benshi bibujijwe.
Kugeza ubu , mu mihanda ya Kampala abaturage ntibari bubahiriza aya mabwiriza ya Perezida Museveni ku buryo inzego z’umutekano za Uganda nka Polisi ziri guhangana nabatayubahiriza ku buryo bari kwifashisha inkoni .
Minisiteri y’ubuzima muri Uganda yemeje abandi bantu 5 bagaragayeho icyorezo cya Coronavirus (COVID-19) muri Uganda.
Coronavitus yavuzwe muri Uganda ku ya 21 Werurwe 2020. Umubare w’abanduye COVID-19 muri Uganda kugeza ku ya 25 Werurwe 2020 warazamutse ugera kuri 14.
Kugeza ubu nta n’umwe irahitana ndetse nta n’umwe urabasha kuyikira.
Muri aba bantu batanu bashya, batatu ni Abagande mu gihe babiri ari Abenegihugu b’Abashinwa bari mu Bashinwa 6 bahunze akato bari babashyizwemo muri Uganda bakajya mu Karere ka Zombo aho bakuwe.
Minisiteri rero yavuze ko bishobora guteza akaga abashinwa bakagezwa mu nkiko.
Ati: “Kuva uyu munsi, ku ya 25 Werurwe 2020, hari abantu 5 bemejwe ko banduye COVID-19 bituma umubare rusange w’abantu banduye COVID-19 mu gihugu ugera kuri 14.” Dr. Mwebesa wo muri Minisiteri y’Ubuzima niko yavuze.
Minisiteri yavuze kandi ko guhera ku ya 25 Werurwe 2020, abantu 1431 bari bafite ibyago byinshi byo kuba baba bari baranduye COVID-19 bari barashyizwe mu kato ko ubu bafite ukwishyira ukizana kwabo kuko barangije iminsi 14 bakurikiranwa none bakaba bafite umudendezo wo kwinjira mu baturage.
Indwara ya Coronavirus, yatangiriye i Wuhan mu Bushinwa mu Kuboza 2019 kugeza ubu imaze gukwirakwira mu bihugu n’uturere birenga 160,yanduye abantu barenga 400.000,yica 18.000 mu gihe 110.000 bakize.
Uganda kimwe n’ibindi bihugu nk’u Rwanda birimo gukora cyane kugirango bahangsne n’uko barandura burundu iki yorezo mubgihugu.
