Uburanga bw’umunyamakurukazi uri mu rukundo na Diamond Platnumz(Amafoto)
Umuhanzi Diamond Platnumz umaze iminsi anugwanugwaho kuba asigaye akundana n’umukobwa witwa Tanasha Donna Oketch usanzwe akora ibijyanye no kumurika Imideli akaba n’umunyamakurukazi kuri Radio ya NRG, uyu muhanzi yamaze amatsiko abantu abyemeza adashidikanya.
Diamond abicishije ku rukuta rwe rwa Instagram yavuze ko ari mu rukundo n’uyu mukobwa.
Ibi byabaye nyuma y’uko Diamond yari amaze iminsi atangaje ko ari mu rukundo n’umukobwa w’umunyamideli ndetse unakora ibikuanye n’Itangazamakuru gusa icyo gihe ntiyahise ahishura uwariwe.
Diamond yabitangaje nyuma y’igitaramo yakoreye ahitwa Mtwara aho yavuze ko yifatanyije n’umukunzi we, Bongo5 yakurikiranye amakuru y’uyu mukobwa yatangaje ko yatangaje ko ari Umunyakenya ufite umubyeyi umwe ari we se ukomoka mu Butaliyani.
Diamond Platnumz yahamije aya makuru bidasubirwaho ko we n’uyu mukobwa bari mu rukundo yifashishije akavideo gato bafashe basohokanye kuri Sandy Beach maze akongeraho amagambo y’urukundo amutera imitoma.
Yagize Ati” “Ndagukunda Tanisha, y’amagambo wanditse turi ku mucanga yatumye ndirimba”. Ni mwiza ndetse n’igicucu cye ni cyiza”.
Diamond Platnumz yemeje urukundo hagati ye na Tanisha nyuma y’amakuru atandukanye yari amze iminsi avuga ko uyu muhanzi ashobora kuba agiye kurwubakana n’uwitwa Kim Nana byavugwaga ko ari hafi ku mubyarira umwana wa Kane kandi ko basigaye babana mu nzu.
Kugeza ubu Diamond Platnumz ukomeje kuvugwa mu nkundo zitandukanye ni umupapa w’abana batatu, harimo babiri yabyarenye na Zari wahoze ari umugore we bagatandukana taliki ya 14 Gashyantare 2018, n’umwe wa Hamisa Mobeto baherutse gutandukana mu kwezi gushyize.
