Turukiya iza imbere mu bihugu bifunze abanyamakuru benshi ku Isi

Mu bushakashatsi bwakozwe bugaragaza ko ku Isi hafunzwe abanyamakuru bagera kuri 251 ku Isi, igihugu nka Turukiya  nicyo kiza imbere muri uyu mwaka mu bihugu bifunze abanyamakuru benshi kurusha ahandi ku Isi.

Committee to Protect Journalists yakoze iyi raporo yashyize Turikiya ku mwanya wa mbere mu gufunga abanyamakuru benshi dore ko mu banyamakuru bose bafunzwe ku isi bamaze gukatirwa n’inkiko ari 251 ,68 bafungiye muri Turikiya, abandi 47 mu Bushinwa, abandi 25 bafungiye muri Misiri.

Ikibabaje muri iyi raporo yakozwe  ni uko yekana ko mu banyamakuru bafungiwe muri Turikiya harimo abagore bane(4) bafunzwe bari gukurikirana inkuru zivuga ku burenganzira bwa bagenzi babo.

Committee to Protect Journalists yakoze ubu bushakashatsi ikomeza raporo yayo ivuga ko “Fake News” imvugo ya Perezida wa Leta zunze Ubumwe za Amerika , Donald Trump, na yo ngo yatumye hari ibihugu n’inzego zimwe na zimwe bitangira kwibasira abanyamakuru  bavuga ko bakora impuha bakazita inkuru.

Abakurukira ibibera muri Turikiya  bavuga ko ngo iki gihugu kiza imbere mu gufunga abanyamakuru benshi kubera ko ngo  Perezida wacyo adashaka ko hari abantu bajora bimwe mu bikorwa bye na Leta ayoboye.

Twabibutsa ko mu minsi ishize umunyamakuruwa Jamal Kashoggi yiciwe muri Ambasade ya Arabie Saoudite iri Istanbul umurwa mukuru wa Turukiya,  iby’uru rupfurwe nanubu bitarasobanuka neza.

Courtney Radsch ushinzwe kuvugira kiriya kigo  cyakoze ubu bushakashatsi we avuga ko bibabaje  cyane  kuba igihugu cya Turikiya kivuga ko itangazamakuru rifitanye isano n’iterabwoba.