Trump yasubitse inama ya G7 ashyiraho uburyo bwihariye izakorwamo
Perezida wa Leta zuzne ubumwe za Amerika Donald Trump yahagaritse inama yagombaga kuzahuza ibihugu 7 by’ ibihangange ku Isi (G7), ikabera ku kigo kitiriwe David kitwa (Camp David) nk’ukoiIbiro bya Perezida White House, byabitangaje.
Trump yatangaje ko iyi nama iteganyijwe kuba mu kwezi kwa 6, yahinduriwe uburyo ngo izaba mu buryo bwa video conference mu rwego rwo kwirinda ikwirakwira rya coronavirus.
Uyu mwanzuro Amerika iwufashe mu gihe hirya no hino ku Isi ibihugu bikomeje guhagarika ingendo zo mu mazi n’ingendo zo mu kirere mu rwego rwo kwirinda ikwirakwira rya coronavirus.
Magingo aya coronavirus yamaze kugera muri Leta 51 zose zigize Leta zunze ubumwe za Amerika. Muri Leta zunze ubumwe za Amerika abamaze kwandura Coronavirus barenga ibihumbi 14 abo imaze guhitana barenga 90.
Umuvugizi wa White House Judd Deere yabwiye ibiro ntaramakuru by’ Abongereza Reuters ko Amerika yamaze kumenyesha ibihugu 7 byari byatumiwe muri iyi nama ya G7 ko iyi nama izakorerwa mu buryo bw’amashusho video conference.
Ku isi yose abamaze kwandura coronavirus ni 245,749 abo imaze guhitana ni 10,046, abamaze kuyikira ni 88,441.
Iyi virus yiganje cyane mu bihugu bikize kurusha ibihugu biri mu nzira y’amajyambere. Ibihugu 10 bya mbere bifite abantu benshi banduye ni Ubushinwa, Ubutaliyani, Iran, Espagne, Ubudage, Leta zunze ubumwe za Amerika, Ubufaransa, Koreya y’ Epfo, Switzerland, n’Ubwongereza.
