Tom Close yahawe imirimo mishya n’Inama y’Abaminisitiri

Dr. Muyombo Thomas uzwi nka Tom Close mu muziki n’ibindi bikorwa by’imyidagaduro yagizwe Umuyobozi w’Ikigo gishinzwe gutanga amaraso, Ishami rya Kigali (RCBT-Kigali)

Mu itangazo ry’ibyemezo by’Inama y’Abaminisitiri yabaye ku wa Gatatu taliki ya 03 Mata 2019 iyobowe na Perezida wa Repubulika Paul Kagame.

Ikigo Tom Close yahawe kuyobora ni nacyo yari amaze igihe kinini akoramo.

Kuva muri Kanama 2015, Tom Close ni umukozi w’Ikigo cy’Igihugu cy’Ibuzima (RBC) mu ishami rishinzwe gutanga amaraso akaba yari ashinzwe ibikorwa byo gushaka abatanga amaraso bashya bujuje ubuziranenge no kongera umubare w’abayatanze bakongera kuyatanga.

Muri Gashyantare 2017, Tom Close yari yatorewe kuba Perezida w’Ihuriro Nyafurika rishinzwe ibyo gutanga amaraso mu bihugu 13 biri mu gace k’Uburasirazuba bwa Afurika.

Dr Muyombo Thomas yatangiye gukora mu kigo cy’Igihugu gishinzwe ibijyanye n’amaraso avuye mu byari ibitaro bya Polisi ku Kacyiru aho yakoraga nk’umuganga bw’indwara z’abana.

Tom Close ahawe izi nshingano zikomeye nyuma y’uko mu Ukuboza 2019 Madamu wa Perezida wa Repubulika, Jeannette Kagame yamushimye mu buryo bukomeye uburyo ufatanya umuziki, kuvura abantu no kwandika ibitabo.

Tom Close[Muyombo Thomas], hejuru y’impano yo kuririmba amazemo imyaka irenga icumi akora asigaye yandika n’ibitabo byagenewe abana, kugeza ubu amaze gushyira hanze ibirenga 20.