The Ben yagaragaye mu gitaramo muri Uganda-AMAFOTO
Nyuma yo kuva muri Leta zunze ubumwe za Amerika, The Ben yagaragaye mu gitaramo cya “Spinny Silent Disco” cyatumiwemo n’umugandekazi Sheebah Karungi.
Iki gitaramo The Ben yagaragayemo ni igitaramo cy’abambaye ekuteri cyabereye I Kampala muri Uganda mu kabyiniro ka ka Atmosphere Lounge. Iki gitaramo cyanaririmbyemo Umuhanzi Bebe Cool cyateguwe na Vj Spinny.
Ubwo iki gitaramo cyari kigeze hagati nibwo abantu bamenye ko umuhanzi w’umunyarwanda Mugisha Benjamin ari muri aka kabyiniro, MC yahamagaye Shebah Karungi ngo aririmbire abari bitabiriye icyo gitaramo maze akigera ku rubyiniro ashimira cyane The Ben banakoranye indirimbo “Binkolera” yafashe bugwate imitima y’abanye-Uganda.
Akimara guhamagara The Ben ngo amushimire imbere y’abantu benshi bari aho , The Ben yagiye ku rubyiniro maze barahoberana biratinda niko kumenya ko uyu musore ari aho. Bahise baririmba “Binkolera”
The Ben agomba kuba ari muri Kenya muri iki cyumweru. Biteganyijwe ko azaba aje muri iki gihugu kugirana ibiganiro n’abashoramari bamutumiye ndetse nyuma akazaganira n’imwe mu makompanyi akomeye ku Isi ifite ikinyobwa cya Belaire kugira ngo ajye abamamariza ibikorwa byabo mu Rwanda.
Mu gihe ibiganiro byaba bigenze neza hagati yimpande zombi, Mugisha Benjamin yaba yiyongereye ku bandi bahanzi bakomeye ku Isi ndetse nabo mu Karere u Rwanda ruherereyemo basanzwe bakorana n’iyi kompanyi, aha twavuga nka Rick Ross na Diamond Platinumz. Nyuma y’ibi biganiro kandi azaza no mu Rwanda gusura ababyeyi be ndetse n’inshuti.
