Sunrise FC yatandukanye n’uwari umutoza wayo
Sunrise FC yamaze gutandukana na Bisengimana Justin wari umutoza mukuru wayo nyuma y’imikino 25 ya shampiyona 2018-2019 yari amaze atoza iyi kipe.
Ubuyobozi bw’ikipe ya Sunrise FC bwari bwarahaye Justin imikino 2 atayitsinda agasezererwa, ibi ni byo byabaye nyuma yo kunganya na Espoir FC ndetse na Police FC ikamutsinda ibitego 4-0. Icyo ategereje ni ibaruwa y’ubuyobozi bw’ikipe.
Nyuma ubuyobozi bw’ikipe bwaje kumubwira ko umusaruro bamusabye mu mikino ibiri (Espoir FC & Police FC) atawugezeho bityo ko byoroshye ko batandukana.
Bisengimana Justin yatoje amakipe atandukanye hano mu Rwanda nka Sorwathe FC (2009-2012), Etoile de l’Est (2012-2014) na Gicumbi FC (2014-2016) mbere yo kuza muri Police FC mu mwaka w’imikino 2016-2017 akahava mu 2018.
Asize Sunrise FC ibarizwa mu karere ka Nyagatare ku mwanya wa cyenda (9) n’amanota 31 mu mikino 25.
