Sugira Ernest ari mu nzira zimwerekeza muri Gasogi United
Ikipe ya Gasogi United imaze imyaka itatu mu cyiciro cya mbere cya shampiyona y’umupira w’amaguru mu Rwanda, biravugwa ko iri mu biganiro na rutahizamu Sugira Ernest .
Gasogi United iramutse isinyishije Sugira Ernest yaza yiyongera kuri Cissokho Boubakar wo muri Senegal, winjiye muri iyi ekipe nyuma yo gutandukana na Iradukunda Jean Bertrand werekeje muri Township Rollers yo muri Botswana.
Ubu ibiganiro bigeze kure aho abayobozi ba Gasogi United barikuganira na Sugira Ernest wakiniye amakipe akomeye yo mu Rwanda nka APR FC na Rayon Sports.
Sugira ni umwe muri ba rutahizamu bakomeye mu Amavubi batanze ibyishimo muri iyi kipe y’igihugu igihe kinini nubwo kuri ubu atagihamagarwa muri iyi kipe y’igihugu.
