Studio ya Urban Boyz yashyize hanze indirimbo bahuriyemo na Riderman ndetse na Bruce Melody-Yumve
Mu minsi ishize nibwo twabagejejeho inkuru yavugaga ko Urban Boyz igiye kwifashisha inzu itunganya umuziki yabo bise “Urban Record” maze bagashyira hanze indirimbo bahuriyemo na Bruce Melody n’igisumizi Riderman , kuri ubu iyi ndirimbo yamaze kugera hanze.
Iyi ni indirimbo bise ‘Ntakibazo’ Urban Boyz yafatanyije na Bruce Melody ndetse na Riderman, ikaba yarakorewe ijana ku ijana muri Labor yashinzwe na Urban Boys “Urban Record “.
Iyi niyo ndirimbo ya mbere ikorewe muri Urban Record, ni indirimbo yakozwe na Producer Hollybeat ukorera n’ubundi muri iyi studio. Nk’uko Urban Boys ibitangaza, kuri ubu hakurikiyeho gahunda yo gutunganya amashusho y’iyi ndirimbo .
Itsinda rya Urban Boyz rigizwe na Manzi James (Humble Jizzo) na Nshimiyimana Muhamed (Nizzo Kaboss) nyuma y’uko Safi ariviriyemo, bashinze Studio nshyashya bitiriye izina ryabo, igiye kujya ibafasha mu muziki wabo wa buri munsi.
Ntakibazo indirimbo yashyizwe hanze na Studio ya Urban Boyz
