Stromae n’umugore we Coralie Barbier bibarutse imfura

Umuhanzi  Paul Van Haver wamenyekanye nka Stromae mu muziki n’ibindi akora by’imidagaduro, we n’umugore we  Carolie Barbier bibarutse umwana w’umuhungu nyuma y’imyaka irenga itatu barushinze.

Mu mpera z’iki cyumweru gishize , mu ijoro ryo kuwa  Gatandatu rishyira ku cyumweru nibwo  Carolie Barbier umugore wa Stromae  yibarutse umwana w’umuhungu kugeza ubu hataramenyekana izina yiswe.

Ibinyamakuru bitandukanye byo mu Bubiligi nka ‘Lesoir’ na ‘Leparisien’ cyo mu Bufaransa dukesha iyi nkuru bivuga ko  uyu mwana w’umhungu yavukanye  ibiro 4,1 avukira mu gihugu cy’Ububiligi aho basanzwe banatuye.

Stromae w’imyaka 32 ufite inkomokomu Rwanda yarushinze na  Coralie Barbier tariki ya 12 Ukuboza 2015 , nyuma y’imyaka itanu yari bari bamaze mu rukundo  banakorana bya hafi mu buhanzi n’imideli uyu mugore akora dore ko ari nawe wambika Stromae  imyenda akoresha ahantu hatandukanye aba yagiye gutaramira, mu mashusho y’indirimbo n’ahandi

Stromae na Coralie Barbier biba bigoranye kubona amakuru yabo  cyane ko badakunze gushyira ibintu byaho hanze   dore ko n umuhango w’ubukwe bwabo  wabereye i Malines mu Ntara ya Antwerp mu Bubiligi  buba mu ibanga rikomeye dore ko byari bibujijwe gufata ifoto ku nshuti zabo zari zitabiriye ubu bukwe.