Sheebah Karungi ategerejwe mu gitaramo i Kigali
Sheebah Karungi agiye kugaruka gutaramira mu Rwanda mu gitaramo byitezwe ko kizaba tariki 27 Nyakanga 2019, kigiye kujya kiba buri mwaka nkuko abagiteguye babitangaje.
Ni igitaramo cyiswe Kigali Summer Festival, igitaramo kigiye kubera i Kigali kizahuza abahanzi benshi b’abanyarwanda na Sheebah Karungi.
Iki gitaramo byitezwe ko kizajya kiba ngarukamwaka kikitabirwa nabahanzi banyuranye bakomeye mu Rwanda ndetse n’abandi baturutse ahandi hose ku Isi mu rwego rwo gushimisha abatuye mu mujyi wa Kigali n’abashyitsi batembereye uyu mujyi.
Umwe mu bari gutegura iki gitaramo Denis Rwema yatangaje ko ibiganiro na Sheebah byarangiye ndetse bamwe mu bahanzi ba hano imbere mu gihugu bamaze kubaganiriza hari nabamaze kuboneka.
