ShaddyBoo yavuze ku mafoto ye na Tanasha Dona ari kurikoroza kuri murandasi
Ikimenyabose ku mbuga nkoranyambaga zitandukanye cyane cyane Instagram ShaddyBoo yagaragaye ku mafoto ari kumwe n’icyamamarekazi muri Kenya Tanasha Dona Oketch wagacishijeho mu rukundo n’umuhanzi Diamond Platnumz banabyaranye umwana umwe.
Ni mu mpera z’iki Cyumweru aya mafoto yagaragaje ku mbuga nkoranyambaga zitandukanye maze abakunzi babo batangira kuvuga amagambo atandukanye.
Ni amashusho agaragaza aba bagore bari gusangirira mu kabari, amashusho yashyizwe hanze akabagaragaza bishimanye bikomeye.
Abinyujije ku rukuta rwe rwa Instagram, Shaddyboo yifashishije aya mashusho yifuriza isabukuru nziza Tanasha Donna, undi na we ayashyiraho amushimira.
Mu kiganiro yagiranye na IGIHE, Shaddyboo yavuze ko amashusho bahuriyemo ari ayafashwe ubwo bahuriraga mu kabari umukunzi wa Shaddyboo yizihirizagamo isabukuru y’amavuko.
Ati “Tanasha twahuriye ahantu Manzi Jeannot yizihirizaga isabukuru ye y’amavuko, na we yari ari kwizihiza iye kuko bayiziriza rimwe, bitewe n’uko dusanzwe tuziranye byarangiye dufashe ariya mashusho.”
Tanasha Donna ni umwe mu bagore bakurikirwa n’abatari bake muri Kenya no mu Karere ka Afurika y’Iburasirazuba, uyu akaba yaramamaye kurushaho ubwo yakundanaga na Diamond banabyaranye umwana w’umuhungu.
