Salax Awards 7: Abahatana muri buri cyiciro bamenyekanye- Reba urutonde
Nyuma y’amatora amaze iminsi akorwa mu byiciro bitandukanye by’abanyamuziki b’Abanyarwanda mu byiciri bitandukanye birimo Best Female, Best Male, Best RNB, Best Afrobeat, Best HipHop, Best Culture and Traditional, Best Upcoming, Best Group na Best Gospel Artist hamaze gutangazwa abahanzi 5 bahagarariye abandi muri buri kiciro.
Kuri uyu wa Mbere Tariki 11 Gashyantare 2019 ni bwo ku Kimihurura muri Gusto Italiano habereye ibirori byo gutangaza abahanzi batanu muri buri cyiciro bagiye guhatanira ibihembo, aha Yvan Buravan ni we watoranyijwe henshi cyane ko azaba ahatana hatatu mu gihe Safi Madiba we wahatanaga muri habiri nta na hamwe yatoranyijwe.
Aya matora yakozwe nyuma y’uko bamwe mu bahanzi bari batoranyijwe batangaje ko bikuye mu irushanwa. Ku ikubitiro inzu itunganya umuziki ya Kina Music yatangaje ko nta muhanzi wayo uzitabira Salax Awards mu gihe batagiranye ibiganiro byihariye n’abategura ibi bihembo.
Iki cyifuzo cyabo nticyemewe bituma uku kutumvikana bitera KINA Music kuguma ku cyemezo cyabo abahanzi babo ntibabasha kwitabira Salax Awards, hiyongeyeho Oda Paccy, Charly na Nina, Dj Pius na Christopher bahise bikura mu irushanwa kubera impamvu zinyuranye.
Iri rushanwa rya Salax Awards 7 rigeze ahakomeye kuko kugeza ubu aribwo abahanzi 5 bamenyekanye muri buri cyiciro ndetse akaba aribo bagiye gukomeza guhatanira ibihembo byateguwe.
Salax Awards yatangiye mu minsi ishize yatangijwe no gushaka abahanzi bazayihatanira, ibi byatumye AHUPA nka kompanyi isigaye itegura ibi bihembo nyuma yo kumvikana na IKIREZI Group bemeza ko abahanzi bazahatanira Salax Awards ari abahanzi bakoze neza cyane mu myaka itatu ishize.
REBA UKO ABAHANZI BAGIYE GUHATANA MU BYICIRO;
Umuhanzi witwaye neza muri R&B:
Bruce Melody
Social Mula
Buravan
King James
Yverry
Umuhanzi witwaye neza mu bari n’abategarugori:
Young Grace
Marina
Queen Cha
Alyn Sano
Asinah
Umuhanzi witwaye neza muri Afrobeat:
Mico The Best
Uncle Austin
Davis D
Mc Tino
Danny Vumbi
Umuhanzi witwaye neza mu ndirimbo zihimbaza Imana:
Israel Mbonyi
Serge Iyamuremye
Aime Uwimana
Patient Bizimana
Gentil Bigizi
Umuhanzi witwaye neza mu njyana gakondo:
Jules Sentore
Clarisse Karasira
Deo Munyakazi
Mani Martin
Sophia Nzayisenga
Umuhanzi witwaye neza muri Hip Hop:
Riderman
Khalifan
Bull Dogg
Jay C
Amag The Black
Umuhanzi witwaye neza mu bakizamuka:
Sintex
Marina
Andy Bumuntu
Alyn Sano
Buravan
Itsinda ryitwaye neza:
Trezzor
Active
Yemba Voice
The Same
Just Family
