Rutamu Elie Joe yagaragaje umukobwa w’uburanga yeguriye umutima we
Rutamu Elie Joe wamamaye nk’umunyamakuru w’imikino ku maradiyo atandukanye hano mu gihugu, yaraye agaragaje umukobwa w’uburanga yeguriye umutima we.
Yabigaragaje ubwo yashyiraga ku rukuta rwe rwa Instagram ifoto y’uyu mwari bari kumwe. Rutamu kuri ubu wibera muri leta zunze ubumwe za Amerika aho yagiye gufata amasomo ajyanye na Scouting, yaherekezanyije iriya foto amagambo yuzuye urukundo agaragaza ko nyamukobwa ari umwamikazi w’umutima we koko.
Yagize ati” Nakweguriye umutima wanjye umunsi wa mbere duhura. Ndagukunda.”
Abakurikirana Uyu musore ntibatinze kugira icyo bavuga kuri iriya foto, kuko abenshi bamushimiye abandi bamwifuriza ishya n’ihirwe mu rugendo we n’umukunzi we barimo.
Abenshi barimo na mucuti we Theogene Rugimbana bagize bati”Congs”, abandi na bo bati “Urukundo nirwogere.”
Kuba Rutamu yagaragaje bwa mbere umukunzi we mu ruhame byatumye abenshi bibaza niba na we agiye gutera ikirenge mu cy’abenshi mu banyamakuru bagenzi be asezera ubusore.
