RURA yashyizeho ibiciro bishya by’ibikomoka kuri peteroli
Urwego rw’igihugu ngenzuramikorere (RURA) rwashyizeho ibiciro bishya by’ibikomoka kuri Petrol byose,ihita inatangaza ko bigomba guhita bitangira gukurikizwa, aho ibi biciro byatangiye kubahirizwa kuwa Gatatu tariki ya 4 Werurwe 2020.
Muri ibi biciro bishya, yatangaje ko igiciro cya Essance/Gasolina i Kigali ko kitagomba kurenza amafaranga 1088 y’u Rwanda kuri Litiro imwe.
Ni mugihe igiciro cya Mazutu/Diesel cyo i Kigali kitagomba kurenga amafaranga 1073 y’u Rwanda kuri Litiro imwe.
Iri hinduka ry’ibi biciro rishingiye ahanini ku ihinduka ry’ibiciro by’ibikomoka kuri peteroli ku rwego mpuzamahanga nk’uko byemejwe na RURA mu itangazo ryayo yashyize ahagaragara.
